Бямба гарагт болсон 20-ийн бүлгийн (Их 20) Осакагийн дээд хэмжээний уулзалтын хүрээнд БНХАУ-ын дарга Ши Жиньпин, АНУ-ын ерөнхийлөгч Дональд Трамп нарын хүсэн хүлээсэн уулзалтын үр дүн нь үүлэрхэг дэлхийн эдийн засагт гэрлийн туяа тусгалаа.

Уулзалтын үеэр хоёр улсын удирдагчид эрх тэгш, харилцан хүндэтгэсэн үндсэн дээр хоёр орны эдийн засаг, худалдааны зөвшилцлийг дахин эхлүүлэхээр тохиролцов. Тэд мөн АНУ-ын тал Хятадын экспортын бараанд шинэ татвар нэмэхгүй гэж тохиролцсон байна.

Худалдааны хэлэлцээг дахин эхлүүлэхээр шийдсэн нь хоёр орны худалдааны санал зөрөлдөөнийг шийдвэрлэх хүчин чармайлт буцаад зөв замдаа орж байна гэсэн үг.

Хятад, Америкийн харилцаа илүү тогтвортой байх нь Хятад, Америк төдийгүй дэлхий дахинд ашигтай гэдгийг олон нийт хүлээн зөвшөөрсөн.

Хятад, АНУ зарим нэг санал зөрөлдөөнтэй байгаа бөгөөд Бээжин эдгээр санал зөрөлдөөнөө зөвшилцөх замаар шийдвэрлэхийг хүсэж байна. Энэ үйл явцад илүү чин сэтгэл, үйлдэл хэрэгтэй.

Хятад, Америк хоёр дэлхийн эдийн засгийг тэргүүлэгч хоёр орны хувьд хамтын ажиллагаанаас ашиг хүртэж, сөргөлдөөндөө хожигдож байна. Хоёр тал санал зөрөлдөөнөө сөргөлдөөн биш яриа хэлэлцээгээр шийдвэрлэх нь үргэлж зөв сонголт юм.

Хятад, АНУ-ын харилцаа одоогоор зарим нэг хүндрэлтэй тулгарч байна. Ийм ээдрээтэй нөхцөл байдал аль аль талдаа ашиг тусаа өгөхгүй.

Хоёр орон 40 жилийн өмнө дипломат харилцаа тогтоосноос хойш Хятад, АНУ хоёр тал харилцан ашигтай хамтын ажиллагаагаа хамтдаа хөгжүүлсээр ирсэн.

Үүний үр дүнд хоёр талын худалдаа 1979 онд 2,5 тэрбум хүрэхгүй ам.доллар байсан бол өнгөрсөн онд 630 тэрбум гаруй болтлоо өсөж, бараг итгэмээргүй ахиц дэвшил гаргажээ. Өдөр бүр 14,000 гаруй хүн Номхон далайг гаталж байгаа нь хоёр ард түмний хоорондын харилцаа, солилцоо хэр эрчимтэй явагдаж байгааг харуулдаг.

Иймээс Хятад, Америк хоёр орон өндөр ашиг сонирхол, өргөн хүрээтэй хамтын ажиллагааны талбартай тул мөргөлдөөн, сөргөлдөөний урхинд орох ёсгүй.

Өнгөрсөн жил Аргентины нийслэл Буэнос-Айрес хотноо болсон “Их 20”-ийн дээд хэмжээний уулзалтын үеэр хоёр Ерөнхийлөгч бие биетэйгээ уулзахдаа худалдааны сөргөлдөөнийг түр зогсоож, яриа хэлэлцээгээ үргэлжлүүлэх чухал зөвшилцөлд хүрчээ. Түүнээс хойш хоёр талын хэлэлцээний багууд асуудлыг эртхэн зохицуулахыг эрэлхийлэхийн тулд долоон удаагийн зөвлөлдөх уулзалт хийсэн.

Гэсэн хэдий ч Хятадын сүүлийн хэдэн сарын турш харуулсан чин сэтгэл нь Вашингтон дахь зарим худалдааны шонхоруудыг азаа түлхэхэд хүргэсэн бололтой.

Одоо хоёр тал худалдааны хэлэлцээгээ эхлүүлсэн тул харилцан адил тэгш харьцаж, зохих ёсоор хүндэтгэх замаар цаашдаа санал зөрөлдөөнөө эцэслэн шийдвэрлэх нөхцөл болж байна.

Үүнээс гадна арга хэмжээ авах шаардлагатай байна.

Хятад-Америкийн худалдааны асуудлыг шийдвэрлэхийн тулд эцсийн шийдэлд хүрэх зам дахь гол эргэлт бүрт мэргэн ухаан, бодит арга хэмжээ хэрэгтэй гэдэгтэй санал нийлэхгүй хүн цөөнгүй биз ээ. Хэрэв АНУ-ын тал эрх тэгш байдал, харилцан хүндэтгэлийн үзэл санааг онцолсон арга хэмжээ авахгүй, хэт их зүйл шаардах юм бол дахин эхлүүлсэн нь ямар ч үр дүнд хүргэхгүй.

Хятадын хувьд худалдааны хэлэлцээний үр дүнг үл харгалзан өөрийн замаар алхаж, өөрийгөө илүү сайн хөгжүүлэх болно.

Саяхан өндөрлөсөн "Их 20"-ийн дээд хэмжээний уулзалтын үеэр Ши Жиньпин нээлтийн шинэ арга хэмжээг дэвшүүлсэн нь Хятад улс шинэчлэлийнхээ алхмуудыг үргэлжлүүлнэ гэсэн хүчтэй дохио өгсөн юм.

Хоёр тал худалдааны хэлэлцээний шинэ үе шатанд орж байгаа энэ үед Хятад, АНУ хоёр гар нийлэн бие биетэйгээ идэвхтэй харилцаж, санал зөрөлдөөнөө зөв зохицуулна гэдэгт найдаж байна.

Түүнчлэн Вашингтон Бээжинтэй хамтран Хятад, Америкийн харилцааг зохицуулалт, хамтын ажиллагаа, тогтвортой байдлыг агуулсан харилцааг хөгжүүлж, хоёр орны ард түмэн болон бусад орны ард түмэнд сайнаар ашиг тусаа өгөх болно гэдэгт найдаж байна.